jueves. 21.11.2019 |
El tiempo
jueves. 21.11.2019
El tiempo

Balseiro advirte de posibles despedimentos na planta de Alcoa en San Cibrao

Vista das instalacións da fábrica de aluminio da empresa Alcoa en San Cibrao. ELISEO TRIGO (EFE)
Vista das instalacións da fábrica de aluminio da empresa Alcoa en San Cibrao. ELISEO TRIGO (EFE)
O motivo ao que apunta o delegado da Xunta en Lugo é á redución da produción

O delegado da Xunta en Lugo, José Manuel Balseiro, alertou do posible despedimento de traballadores da planta de Alcoa en San Cibrao, no municipio de Cervo, despois de que se anunciou a redución da produción e ante as perdas mensuais que arrastra, que estimou "entre seis e nove millóns de euros". 

Balseiro recordou, nunha rolda de prensa sobre obras en estradas, que "neste momento hai 32 cubas paralizadas, das 500 que teñen electrolisis". "Co cal, se temos unha perda de entre seis e nove millóns de euros mensulamente, que di o presidente do comité de empresa, e se Alcoa está a reducir a produción, para baixar esa perdida que ten, non fai falta ser adiviño para saber que o seguinte paso é reducir os postos de traballo", sostivo. 

Ademais, Balseiro aproveitou para reprochar ao goberno de Pedro Sánchez "estar a lle dar as costas a un tema preocupante, tan preocupante como que Alcoa é a empresa máis importante e que máis postos de traballo xera na provincia de Lugo, contorna a 1.200 directos e contorna a 700 a través de empresas auxiliares". 

"O que si hai que dicirlle ao Goberno central é que ten que buscar unha solución e esa solución non é a primeira vez que se busca"

Respecto diso, asegurou que se lle dá "as costas" a esta empresa ao non implementarse o estatuto para empresas electrointensivas que abaraten os seus custos en enerxía, que no caso da planta San Cibrao supoñen "entre o 35 por cento e o 40 por cento" deses gastos.

ESTATUTO. "O goberno puxo cincuenta datas para aprobar ese estatuto e a día de hoxe ese estatuto non se aprobou", lamentou o delegado do Goberno galego na provincia de Lugo. 

Balseiro non quere entrar en se "a xente quérese manifestar ou non se quere manifestar", pero, abundou, "o que si hai que dicirlle ao Goberno central é que ten que buscar unha solución e esa solución non é a primeira vez que se busca, porque cun presidente como Mariano Rajoy e cun goberno do PP cando se pasou por algo similar iso tivo solución". 

"Daquela si que saíu á rúa manifestándose, como hai que facer moderadamente, e aí teriamos que participar todos; tamén as administracións porque falamos da empresa máis importante da provincia, os distintos sindicatos e a sociedade da Mariña e da provincia en xeral", concluíu o delegado da Xunta. 

Balseiro advirte de posibles despedimentos na planta de Alcoa en...
Comentarios