O exemplar de balea aliblanca que arribou morto este domingo pasado á praia de Llasno municipio de Foz, pereceu por mor dun palangre que se enredou na súa aleta caudal. Alfredo López, da Coordinadora para o Estudo dos Mamíferos Mariños (Cemma), indica que o aparello causou feridas graves ao animal, que tiña case cortada a cola, o que lle ocasionou un grave sufrimento. Por esa razón, a balea non podía nadar nin alimentarse.
A Cemma constata a existencia de moitas capturas accidentais en artes de pesca, pero que afectan sobre todo a golfiños e a outras especies que falecen asfixiadas baixo a auga. "Os casos deste tipo que veñen co pano colgando son escasos, e raramente sobreviven", sinala López, quen calcula que o animal levaba semanas, posiblemente máis dun mes con este problema.
Trátase dun exemplar xuvenil, macho, duns 5 metros de lonxitude, que non é raro na zona, pero non frecuente.
