Os servizos de urxencia auxiliaron na mañá deste xoves a unha persoa maior que caeu no baño do seu domicilio no barrio vivariense da Misericordia sen que puidese levantarse polos seus propios medios. Ocorreu ás oito e cuarto da mañá.
Os bombeiros do parque comarcal de Viveiro acudiron ao rescate da persoa, que alertou gritando á veciñanza.
Un equipo sanitario de Urxencias Médicas do 061 evacuou á ferida ao Hospital da Mariña, situado en Burela, a fin de prestarlle a asistencia necesaria.
Ata o lugar desta incidencia tamén se desprazaron efectivos da Policía Local de Viveiro e a Policía Nacional.
