A Xunta de Galicia autorizou o Expediente de Regulación de Emprego do Pescados Rubén Burela Fútbol Sala pola paralización da actividade polo Covid-19.
O club galego explica nun comunicado que con data de 1 de abril recibiu a notificación de aceptación por parte da Xefatura Territorial da Consellería de Economía, Emprego e Industria sobre a solicitude de Erte por causas de forza maior tras o decreto de estado de alarma do pasado 14 de marzo.
O Burela sostén que tramitou o Erte con acordo absoluto entre os empregados e a entidade "debido á inexistencia de actividade".
A medida afecta á totalidade do cadro de persoal, 42 persoas, incluíndo xogadoras e xogadores de Primeira División corpos técnicos, profesorado de base e persoal de oficina.