A Audiencia Nacional exculpa o Estado respecto da responsabilidade patrimonial no accidente mortal ocorrido na Autovía do Cantábrico (A-8) o 26 de xullo de 2014 á altura de Abadín. Considera que non existe nexo causal entre a actuación da Administración e o resultado do sinistro, no que faleceu unha enfermeira, houbo outros catro feridos graves e 27 leves tras a colisión en cadea de 39 vehículos.
A falta de visibilidade pola néboa xunto coa velocidade inadecuada serían, segundo os atestados elaborados pola Garda Civil e nos que se baseou a familia da finada, as causas que puideron orixinar o sinistro. Entón, denunciaron o Estado pola elección do trazado, pero a Audiencia valora a existencia de sinalización excepcional e conclúe que non hai nexo causal, sinalando a velocidade inadecuada á que circulaba o camión que arroiou á muller como causa do accidente.
A subdelegada do Goberno, Isabel Rodríguez, afirmou este mércores que o Goberno traballa para mellorar a seguridade na A-8 "e acabamos de coñecer outra sentenza que exime o Estado de responsabilidade, porque a condución debe adecuarse ás condicións da vía, incluídas as meteorolóxicas".
