Un home atracou a primeira hora da noite deste venres unha gasolineira de Foz, situada na rúa Miguel de Cervantes. O autor do roubo, coa cara tapada, cometeu o mesmo a punta de navalla, coa que intimidou o empregado do establecemento para que lle entregase a recadación.
A hora á que actuou, as nove e media da noite, inducen a pensar que tratou de conseguir a maior cantidade de diñeiro posible, posto que a estación de servizo levaba todo o día en funcionamento e ten como hora de peche as once da noite.
Os axentes da Garda Civil da localidade realizan indagacións para tratar de coñecer máis detalles deste suceso e intentar dar así co autor do atraco, para o que ademais das manifestacións do traballador observarán gravacións de cámaras existentes na zona.
