lunes. 27.01.2020 |
El tiempo
lunes. 27.01.2020
El tiempo

O arrastre non trae descartes de pescada e só houbo 1.600 toneladas do Cantábrico

Asistentes á xornada de valorización de descartes en Absa. ANTÍA
Asistentes á xornada de valorización de descartes en Absa. ANTÍA
Centenera cualificou de "brutal" a norma nunha xornada da OPP en Burela sobre esta obrigación de desembarque

A flota pesqueira que captura pescada en augas do Cantábrico noroeste xa descartou 1.600 toneladas, indicou Rafael Centenera, subdirector xeral de Caladoiro Nacional e Augas Comunitarias, quen constatou a infrautilización de exencións e avisou do risco da súa anulación. Cristina Morgado, da Axencia de Control da Pesca, apuntou o baixo nivel de cumprimento do arrastre nas anotacións e augurou a colocación de sensores e cámaras para o monitoreo.

Ante a estrañeza de que o arrastre non descarte pescada e outras especies, como lagostino ou raia, os pescadores indican que usan malla de 70 milímetros e Centenera recoñeceu que "o gran problema no caladoiro nacional é da de 55". Sobre a espada animou a ceder ou vender cota sobrante, porque "a lei di que se en dous anos non a usas, pérdela".

Centenera cualificou de "brutal" a obrigación de desembarque (OD) de descartes de todas as especies suxeitas a TAC. Recoñeceu que o Estado tardou seis meses en presentar a norma, pero non ve xustificación para non rexistrar todos os descartes. "Hai que usar as flexibilidades, se non non se poden ter datos para a OD. Apuntou que os estudos feitos ao norte de Portugal demostraron que o besugo liberado queda vivo, polo que a flota do Cantábrico poderá descartalo o ano próximo.

O responsable estatal dixo que un estudo probou que a raia non ten alta taxa de supervivencia no Cantábrico, polo que en 2020 prevé un TAC específico para que evitar que obrigue os barcos a parar. Cre que a alta supervivencia depende das condicións de pesca, non só da fisioloxía do peixe. Tamén di que anotan pouco lagostino e o seu rexistro "probaría que se está recuperando".

O sector tamén se queixou do atraso que implica cumprimentar o diario electrónico de a bordo (DEA). Genma Laso, CEO de Inxenia, presentou propostas para aproveitar subprodutos da pesca e houbo unha degustación en casa Miranda.

O arrastre non trae descartes de pescada e só houbo 1.600 toneladas...
Comentarios