O lume orixinado nunha cheminea dunha casa de Rececende, no concello da Pontenova, saldouse sen feridos e escasos danos no faiado do inmoble, onde arderon as vigas máis próximas ao conduto, que se incendiou ao elevarse a temperatura no seu interior.
O GES da Pontenova e os bombeiros de Barreiros interviñeron para sufocar o lume e despois para refrigerar a zona de maneira que non se reproducise. Para iso foi necesario quitar un anaco das lousas da cuberta. A incidencia saldouse sen feridos, dado que no interior da casa, de baixo e dúas plantas, non había ningunha persoa nese momento.
O incendio declarouse uns minutos antes das cinco da tarde deste luns. Logo de 45 minutos de intervención dos servizos de urxencia citados na zona, o lume quedou extinguido. Desde o 112 de Galicia tamén comunicaron a incidencia á Garda Civil e a Protección Civil da Pontenova.
