Dous alcatraces, un deles morto, apareceron este domingo na praia de Llas, en Foz. Varios bañistas que se atopaban no areal focense deron o aviso a Medio Ambiente para ocuparse dos animais.
As persoas que estaban en Llas puideron comprobar como o animal con vida apenas se movía da area.
A ave estivo aniñada no mesmo lugar sen desprazarse, intentando sen éxito abrir as ás e incorporarse en varias ocasións, polo que moitos sospeitaron de que podía ter algunha clase de ferida.
Polo momento, ningunha autoridade pasou polo areal a recoller ao alcatraz, polo que a ave continúa na area, sendo retratada polos móbiles de moitos bañistas curiosos.
