Aparece no casco de Mondoñedo un castrón que se escapou desde Valiñadares

A Policía Local de Mondoñedo recibiu o aviso do 112, cara ás dez e media da mañá do domingo, de que había un macho cabrío solto na Praza do Seminario. Explican que era manso e que se deixou atar sen problemas ata que veu recollelo o seu dono, que tiña os animais en Valiñadares, a uns tres quilómetros de distancia.