Lunes. 22.10.2018 |
El tiempo
Lunes. 22.10.2018
El tiempo

Arde un camión cargado de madeira na LU-540 en Viveiro

Arde un camión de madeira en Viveiro. EP
Arde un camión de madeira en Viveiro. EP

A cabina acabou calcinada e tamén parte do eucalipto, pero o condutor saíu ileso

O condutor dun vehículo articulado que circulaba con dous remolques cargados de madeira pola estrada autonómica LU-540, á altura do quilómetro 6, na zona de Arredoada, en Viveiro, alertou este luns ás oito menos cinco minutos da tarde do incendio do vehículo que guiaba, cuxa cabina acabou totalmente inservible a causa do lume, que a calcinou por completo, así como parte da carga máis próxima a esta, situada na parte dianteira.

O comunicante, que afortunadamente saíu ileso e a tempo do vehículo, explicou á central do 112 Galicia que ardía o motor do vehículo, debido a un posible curtocircuíto e que ademais perdía gasóleo. Os dous carrís da estrada estiveron cortados por un tempo aproximado de entre 20 e 30 minutos a causa do incendio.

O camión, que se dirixía cara ao municipio vivariense, pertence a unha empresa de fóra do concello e transportaba no momento do sinistro entre 20 e 22 toneladas de madeira, segundo unha estimación dos servizos de emerxencias desprazados.

CORTE. A circulación restableceuse ao peche desta edición, aínda que o tránsito era alternativo por un único carril, aínda que dirixida polos axentes da Garda Civil. Ao lugar desprazáronse gardas desde o cuartel vivariense e tamén do Subsector de Tráfico da Benemérita, a Policía Local, Protección Civil, así como dous camións de bombeiros do parque comarcal, quen foron os encargados de apagar as chamas; ademais dunha carroceta de Medio Rural pertencente ao distrito forestal de Viveiro, pois preto da beiravía da estrada ardeu un anaco de monte raso, aínda que os bombeiros xa se decataron e estaba extinguido ao quedar moi próximo ao vehículo.

Os servizos de emerxencias continuaban na zona á espera da chegada dun novo transporte para realizar o transbordo da mercadoría. Así mesmo, estaba pendente o desprazamento ao momento do sinistro dun guindastre para a retirada do camión calcinado polo lume.

Arde un camión cargado de madeira na LU-540 en Viveiro
Comentarios