Un alcance ocorrido ás 19.15 horas deste venres no cruzamento de Cangas e unha colisión acaecida ás 20.30 horas en Mestre Lugilde de Foz contra un turismo estacionado saldáronse con danos materiais.
Afortunadamente, non houbo que lamentar danos persoais, e ata o lugar dos feitos trasladáronse axentes da Garda Civil de Tráfico e Protección Civil.
TODOTERREO ENVORCADO EN VIVEIRO. Particulares alertaron ao 112 Galicia da presenza dun vehículo todoterreo envorcado entre Xuances e Faro, no municipio de Viveiro. A incidencia rexistrábase cara ás 21.15 horas deste venres.
Unha patrulla da Policía Local vivariense desprazouse ata o lugar do sinistro, pero non achou a ninguén dentro do vehículo.