O alcalde Cervo (Lugo), o popular Afonso Villares, acusou ao Goberno central de levar a cabo un "engano máis" co "insuficiente" borrador do estatuto para as empresas electrointensivas.
O rexedor prevé que con este estatuto a factoría de Alcoa no municipio veríase abocada ao peche. "é un engano máis que non só fainos o goberno de PSOE e Unidas Podemos, senón que tamén conta coa complicidade do BNG", sostén.
Carga contra os nacionalistas ao recordar que lle ofreceron o apoio de investidura a Pedro Sánchez "a cambio dunhas medidas, entre outras un estatuto para empresas electrointensivas, pero un estatuto que lle valese a Galicia".
Villares asegurou que dito estatuto "a quen favorece é ás empresas vascas e catalás, en contra os intereses" da fábrica da Mariña de Lugo. "Este estatuto pon á nosa empresa en perigo de desparecer si ou si, e iso será ou un pouco antes ou un pouco despois", presaxiou.
"Engánannos e quérennos facer bobos e bobos aos galegos, que nos fan ver que sacan un estatuto, que claro que o sacan pero o sacan para que Alcoa peche, sácano a favor das empresas catalás e vascas", clama.
