jueves. 16.07.2020 |
El tiempo
jueves. 16.07.2020
El tiempo

Adega recorre a sentenza que absolveu o alcalde de Barreiros de prevaricación urbanística

Afonso Fonte Parga. ELISEO TRIGO
Afonso Fonte Parga. ELISEO TRIGO

"Sería como conceder barra libre, aquí hai responsabilidades", denuncia a asociación ecoloxista

A asociación ecoloxista Adega recorreu ante a Audiencia Provincial o fallo do Xulgado do penal número dous de Lugo que absolveu ao alcalde de Barreiros, Alfonso Fuente Parga, así como a cinco edís que formaban a xunta de goberno local en 2006 e á entón arquitecta municipal, do delito de prevaricación urbanística do que estaban acusados pola concesión, durante ese ano, de 44 licenzas para construír case 3.500 vivendas. 

Así o confirmou un dos portavoces do colectivo Adega, Froilán Pallín, quen asegurou que é "evidente" que os servizos eran "insuficientes" posto que non os había. "E a proba diso é o plan sectorial que deu (entre o Concello e Xunta) forma a un convenio urbanístico por importe de 14 millóns de euros", indicou. 

O activista subliñou que "é imposible consideralos como obras ou servizos accesorios, e aí está a clave porque si non hai servizos non hai chan urbano consolidado e non se poderían dar licenzas", manifestou. 

A colectivo busca que isto non se poida legalizar" ao considerar que "sería inxusto". "Sería como conceder barra libre, aquí hai responsabilidades tamén sobre as empresas arruinadas e aqueles compradores que compraron unha vivenda ilegal, e agora non a teñen", apuntou. 

Así mesmo, lamentou que transcorridos máis de dez anos, Barreiros segue privado dun Plan Xeral de Ordenación Municipal, circunscribindo todo o urbanismo neste Concello a unha mera "chapuza". 
 

Adega recorre a sentenza que absolveu o alcalde de Barreiros de...
comentarios