O cadáver de Laura López Saavedra foi localizado na mañá deste mércores na zona do castro de As Grobas, na parroquia ribadense de Vilaselán, non moi lonxe da súa casa da que desaparecera o martes, cando o seu pai advertiu a súa ausencia e denunciou a súa falta.
O corpo sen vida foi localizado polas patrullas de rastrexo organizadas para tal fin na localidade que desde primeira hora traballaban buscando á muller. Estaban Policía Local, Protección Civil, Garda Civil, bombeiros de Barreiros, Salvamento Marítimo ou Gardacostas de Galicia. O corpo foi izado polo cantil ata un lugar no que permaneceu á espera de que se fixese o levantamento do cadáver.
A estrada que circula pola zona de costa pechouse ao tránsito pola Garda Civil para salvagardar a intimidade dos familiares, que se mostraron moi afectados durante todo o proceso.
