Unha veciña de Viveiro foi absolta este xoves dun delito de malos tratos no ámbito familiar por pegarlle cun cinto á súa filla de catorce anos.
Nunha vista celebrada no xulgado número dous de Lugo, a Fiscalía acabou retirando os cargos contra a muller a petición do seu fillo.
Segundo o relato do Ministerio Fiscal, que pedía un ano de cárcere para a nai, esta empezou a discutir coa menor na vivenda e, tras perder os nervios, pegoulle coa parte metálica do cinto, provocándolle feridas en brazos, pernas e cadeiras, das que tivo que ser atendida no centro de saúde de Viveiro.
