A Autovía do Cantábrico (A-8) quedou de novo cortada ao tráfico en ambos os sentidos da circulación entre Mondoñedo e Abadín este mércores pola mañá por mor dos densos bancos de néboa que limitan moito a visibilidade e condicionan a seguridade dos usuarios.
Segundo informa a Dirección Xeral de Tráfico (DXT), a autovía quedou cortada ao tráfico en ambos os sentidos da circulación ás 07.22 horas, concretamente entre os quilómetros 536 e 552, entre os municipios de Mondoñedo e Abadín.
A Garda Civil habilitou os habituais desvíos alternativos pola estrada Nacional VI ao seu paso por Mondoñedo.
