Os Pescados Rubén Burela FSF sumou tres puntos máis na súa carreira por darlle caza ao Futsi Atlético de Madrid na cabeza da Primeira División feminina de fútbol sala.
Pese ao 6-4, o cadro burelense estivo moi lonxe da súa mellor versión, alternando minutos de bo facer con desconexións impropias do seu nivel, sobre todo no tramo inicial do primeiro tempo, e tamén nalgúns instantes do segundo.
Poucas veces viuse na Vista Alegre unha primeira metade máis tola que a que brindaron onte o Peixes Rubén Burela FSF e o Ucam Murcia. Sete goles, alternativas e unha chea de ocasións, sobre todo dos locais, cubriron 20 minutos de montaña rusa de emocións para os aficiondaos que se deron cita nas bancadas. Ademais, Cristina Pérez regresou tras 9 meses inactiva e fíxoo ao grande, anotando o terceiro tanto laranxa instantes logo de comparecer na pista.
O partido empezou coma unha bala, con gol visitante e resposta idéntica das mariñás, culminada con Bea Mateos. Do posible 2-1 pasouse outra vez ao 1-2 con outra acción do Ucam que metía o medo no corpo en cada chegada. Esta vez a reacción burelense foi fulgurante, con 3 goles en 3 minutos, por medio de Jenny Rodrigues, Cristina Pérez e Lores e a impresión de que o partido estaba por fin controlado. As de Xullo Delgado deixaron escapar vivo ao rival e o Ucam mantivo a compostura ata que, a falta dun minuto atopouse coa posibilidade dun penalti para chegar ao descanso cun inquietante 4-3.
SEGUNDA METADE. A segunda metade comezou tamén con sustos para a portería laranxa, pero aos poucos o cadro laranxa foi atoparon o seu sitio na cancha para poder someter ás mozas rivais. O tanto de Jenny, tras un roubo de Cristina Pérez, provocou que se abrise outra vez a distancia e a aposta por Noelia como porteira- xogadora non deu os seus froitos, xa que Ale de Paz, a porta baleira estirou o marcador ata o 6-3.
A pesar da diferenza no marcador, o cadro murciano continuou coa aposta polo xogo de cinco, aínda que cambiando a Noelia por Pepa e o seu premio chegou cun novo tanto que volveu colocar dous goles de diferenza, aínda que xa con pouco máis de dous minutos para o final.
Ficha técnica
—quinteto inicial—, Jenny Rodrigues, Luci, Peque e Cristina Pérez.
Ucam O Pozo Murcia: Nerea, Lola, Pepa, Noelia, Susana —quinteto inicial—, Alba,
Chihiro e María.
Goles: 0-1, m.1: Pepa. 1-1, m.2: Bea Mateos. 1-2, m.5: Pepa. 2-2, m.5: Jenny Rodrigues. 3-2, m.6: Cristina Pérez. 4-2, m.8; Jenny Lores. 4-3, m.19: Pepa (p.). 5-3, m.28: Jenny Rodrigues. 6-3, m.29: Ale de Paz. 6-4, m.38: Noelia.