O Pescados Rubén Burela sufriu no Palau Blaugrana a súa primeira derrota da tempada (6-1). Os pupilos de Alberto Riquer pagaron os pratos rotos da derrota do FC Barcelona na primeira xornada ante o Palma Futsal e caeron con claridade ante un cadro azulgrana ao que lle bastaron 12 minutos para decantar a balanza totalmente do seu lado.
O conxunto catalán foi tremendamente superior no primeiro período, o que lle serviu para colocarse con catro goles de renda moi rápido. Os de Jesús Velasco desarbolaron por completo aos mariñáns e pasaron por encima dun equipo que foi incapaz de frear o torrente ofensivo culé e de achegarse aos dominios de Dídac Plana ata que os locais xa gozaban de dous goles de renda.
Pitero foi o autor do tanto da honra burelista.
