O Pescados Rubén Burela FS rozou a proeza no Palau Blaugrana, pero acabou caendo nos penaltis tras empatar 3-3 no partido, e queda fóra da fase final da Copa do Rei, ao perder por un global de 6-5 ante o FC Barcelona.
Un erro de Renato e tres acertos dos xogadores blaugranas decantaron a balanza a favor dos cataláns, que sufriron ata os últimos compases para superar a eliminatoria. A pesar da derrota, o equipo de Juanma sae moi reforzado en canto á súa confianza para enfrontarse o vindeiro sábado ao Pozo Murcia, no pavillón Vista Alegre, na xornada da Primeira División.
Matamoros, en dúas ocasións, e Xande, meteran o medo no corpo aos afeccionados que se deron cita no Palau Blaugrana ao anotar os tres goles da escuadra burelense, que comezou por diante no marcador, 1-0, e despois foi capaz de equilibrar un marcador adverso de 1-3 no segundo tempo. O xogo de cinco, con Joselito como porteiro xogador lle deu un gran resultado aos mariñáns, que se marchan da competición copeira coa cabeza moi alta.
