A selección de Xapón impúxose ao Peixes Rubén FS por en un amigable con bo ritmo e bastante público.
A primeira metade foi nivelada, con Xapón adiantándose nunha gran volea e o cadro burelense empatando, tras un roubo de Álex Diz remachado por Luisma.
Ambos os equipos lanzaron tamén tiros ao pau e o cadro burelense probou o porteiro-xogador, con Álex Diz, no tramo final. Ademais houbo minutos para os xuvenís locais Quelle e Renato Rodrigues, que non desentonaron.
Na segunda metade debutou co primeiro equipo a meta Bruno García, que demostrou as súas boas condicións con paradas de mérito, aínda que non puido evitar que Henmi puxese por diante aos seus.
A expulsión de Matamoros foi o preámbulo do terceiro gol nipón, pero Álex Diz, nunha gran xogada individual, volveu meter aos laranxas no partido.
Nos últimos compases tamén debutou outra xoia laranxa, Gustavo. Os burelenses buscaron o empate, pero Xapón soubo administrar a súa renda.