O Pescados Rubén Burela segue dando pasos na boa dirección, pero continúa sen atopar premio á súa melloría xeral no xogo. Os burelistas caeron o venres na cancha do Palma Futsal por 2-0, nun encontro no que dispuxeron de boas ocasións para adiantarse e onde encaixaron o segundo tanto cando empezaban a embotellar aos palmesanos no seu campo.
A mellor noticia para os mariñáns é que por primeira vez na tempada encaixaron menos de tres goles, grazas ao notable encontro da meta polaco Michal Kaluza e ao bo traballo defensivo dos homes preparados por Alberto Riquer.
Os Pescados Rubén saíu sen complexos á pista de Son Moix e completou unha primeira parte na que xogou de ti a ti coa Palma. Renato e David Pazos, con senllos disparos de lonxe, foron os primeiros en probar sorte, pero a primeira gran ocasión foi dos locais. Kaluza asinaba o seu primeiro gran intervención da noite cun gran pé nun lanzamento seco e abaixo de Mancuso.
Pescados Rubén Burela: Kaluza; Isma, Renato, Diego Quintela, David Pazos —quinteto inicial—, Iago Míguez, Loito, Levi e Nito.
Goles: 1-0, minuto 13: Eloy Rojas. 2-0, min 37: Pope
Árbitros: García Donas Salvador e Simón Benet (Colexio Catalán). Amoestaron aos locais Cainan e Marlon, así como ao visitante Isma.
Incidencias: Ao redor de 2.500 espectadores no pavillón de Son Moix.
