O director da Axencia Galega de Infraestruturas, Francisco Menéndez, avanzou este mércores na Comisión Segunda do Parlamento de Galicia que a Xunta reservou unha partida de preto de 450.000 euros para executar un proxecto de mellora nun tramo de ao redor de cinco quilómetros da estrada autonómica LU-170 ao seu paso polo municipio de Xermade.
Menéndez detallou que a Administración autonómica xa conta co proxecto redactado para levar a cabo esta primeira fase desta actuación, que se centrará no tramo comprendido entre o polígono industrial de Xermade e as inmediacións do barrio do Chao e o acceso á AG-64, na parroquia de Cabreiros, onde tamén enlaza coa LU-861 (Vilalba-As Pontes) e a LU-540, que vai a strong<> Muras e Viveiro.
Os traballos consistirán na pavimentación da vía con aglomerado, ampliando a plataforma da estrada de cinco a sete metros de ancho. Ademais, executaranse cunetas de seguridade en determinados puntos e mellorarase a drenaxe e tamén se actuará nas interseccións con outras vías públicas e renovarase a sinalización horizontal e vertical, colocando novas balizas e defensas.
O director da Axencia Galega de Infraestruturas avanzou ademais que a Xunta prevé darlle continuidade aos traballos coa redacción do proxecto para rehabilitar o segundo tramo, o comprendido entre Xermade e Momán. O resto da LU-170, desde esta parroquia xermadesa ata
FONDOS EUROPEOS. Na súa intervención, Menéndez explicou que a Xunta solicitou seis millóns de euros dos Fondos Europeos de Reconstrución. O pasado 25 de xaneiro, a Administración autonómica remitiu ao Ministerio de Transportes, Mobilidade e Axenda Urbana unha proposta coas actuacións ás que prevé destinar estas axudas.
Entre os proxectos incluídos figura a mellora destes 9,7 quilómetros da LU-170, concretamente os comprendidos entre Cabreiros e Momán.
