As XII Xornadas do Peregrino Abrindo Camiño culminarán en Guitiriz o vindeiro domingo 30 cunha homenaxe ao párroco Alfonso Blanco, socio fundador e membro da directiva da entidade, "polo seu labor en prol do Camiño de Santiago na Terra Chá".
O acto desenvolverase ás 10.30 horas na capela de San Alberte e incluirá a presentación dunha revista conmemorativa, así como un recital poético e actuacións musicais. A homenaxe levará a cabo nun descanso dunha camiñada entre a igrexa de Baamonde e Parga, onde o CIT acollerá, ás 13.00 horas, unha mesa debate titulada O Ano Xubilar-Xacobeo 2012 desde a análise dás asociacións de Amigos do Camiño de Santiago. Despois actuará a banda e serviranse uns petiscos con produtos típicos.
A camiñada entre Baamonde e Parga é a última etapa das catro previstas dunha ruta que dará comezo o domingo 16, cun tramo entre Ribadeo e a Basílica de San Martiño de Foz, localidade na que haberá unha visita guiada á basílica e un concerto dedicado a Xesús Fernández, cronista oficial de Foz.
O 23 visitarase o xardín botánico e o taller de cerámica Espazo Caritel e camiñarase polo Camiño de San Rosendo ata Lourenzá, onde se coñecerá o museo Conde Santo e o centro de interpretación da Faba de Lourenzá. O 29 percorrerase o tramo entre a área da Cazolga e a mindoniense da Fervenza, cunha parada na sede de Abrindo Camiño, onde haberá unha misa polos compañeiros falecidos e acutaciones musicais. Xa en Mondoñedo, poderase gozar de xogos acuáticos e populares, unha comida e diveras actuacións.
O presidente de Abrindo Camiño, Luís Fernández Ansedes, detallou as particularidades do programa no acto de presentación das xornadas, que se celebrou onte na Casa Habaneira de Guitiriz coa asistencia de varias autoridades.
Así, o delegado da Xunta, José Manuel Balseiro, destacou a importancia destas iniciativas para coñecer as rutas xacobeas, "unha fonte de riqueza das máis importantes da comunidade", e o deputado de turismo da Deputación, Eduardo Vidal, precisou que Lugo é a provincia "con máis quilómetros de rutas de peregrinación xacobea", recordando outras como a Vía Rexia ou a Künig.
Pola súa banda, a alcaldesa en funcións de Guitiriz, Regina Polín, incidiu en que "o camiño é de todos, unha herdanza que temos que manter" e vaticinou que a xornada será "un éxito".
