A despedida futbolística deste estraño 2020 en A Magdalena deixou un bo sabor de boca para o Rácing Vilalbés e os seus afeccionados logo de gañar (2- 0) ao Silva no último partido deste ano e tamén da primeira volta da primeira fase da competición.
O triunfo permite aos rojiverdes manterse invictos esta tempada como locais, xa que gañaron catro encontros e só empataron un, e no último minuto, contra o Fabril. Teñen ademais pendente o derbi contra o Polvoreira, correspondente á segunda xornada, que se disputará o Día de Reis, o 6 de xaneiro, xusto uns días antes de que se retome a liga.
Estes números en casa permiten ao Vilalbés pechar este tramo de competición con 18 puntos e relacionándose coa parte alta da táboa aínda tendo un partido menos. E non hai só que falar de cifras, senón tamén de imaxe, xa que o equipo fai gozar á súa afección. E aínda que o do sábado non foi un partido vistoso, si que se viu control, mellora co paso dos minutos, efectividade e apenas sufrimento
► LEA A CRÓNICA COMPLETA NA EDICIÓN IMPRESA DESTE DOMINGO DE EL PROGRESO
