O Rácing Vilalbés convoca aos seus socios a unha asemblea extraordinaria que se celebrará o vindeiro luns para ratificar a candidatura á presidencia do club presentada por un socio.
"Unha vez comprobado que o solicitante cumpre todos os requisitos establecidos nos estatutos, presentase ante a asemblea para ratificación da súa candidatura e, no caso de ser ratificado pola mesma, o seu nomeamento como presidente a partir do 1 de xullo de 2021", indica o club.
A reunión será no Centro Cultural e Recreativo ás 19.45 horas en primeira convocatoria e ás 20.15 na segunda, cumprindo o protocolo polo covid-19.
O Rácing Vilalbés iniciara no mes de febreiro o proceso para renovar a directiva tras o anuncio do actual presidente, Francisco Ruiz, e do resto de membros de presentar a súa "dimisión irrevogable" ao finalizar a presente tempada. Ante a falta de candidatos, desde o club avanzouse que, ao terminar a campaña, iniciaríanse os trámites para a disolución da entidade, que en 2021 cumpre 90 anos.
