Tu vida en la mía. Así se titula o primeiro single do cantante Edgar Bao, con raíces en Ribeira de Piquín. O mozo, que logrou a súa praza na semifinal da última edición de La Voz Kids, aposta pola temática amorosa neste tema que marcará un antes e un despois na súa traxectoria.
Moaña foi o escenario elixido para gravar esta canción composta por Orlando Regidor.
Tu vida en la mía está a ser moi ben recibida polos fans de Bao e é que en Youtube xa supera as 5.000 reproducións en apenas catro días que leva na plataforma e os eloxios non paran de crecer.