A Garda Civil detivo este mércores a un veciño de Lugo de 44 anos de idade por roubar ferramentas na localidade chairega de Muimenta.
O presunto autor dos feitos, que xa foi posto a disposición xudicial, enfróntase a un delito de furto. O material do que se apropiou estaba valorado nuns 2.500 euros, segundo informan o instituto armado.
No marco da investigación, ademais, a Garda Civil imputou ao detido por outro delito contra a seguridade viaria, xa que o home carecía da autorización administrativa para conducir un vehículo.