sábado. 26.09.2020 |
El tiempo
sábado. 26.09.2020
El tiempo

A Uned Sénior pontesa dispón de 50 prazas no seu segundo curso

Inauguración do curso pasado da Uned Sénior pontesa. AEP
Inauguración do curso pasado da Uned Sénior pontesa. AEP
Os interesados en inscribirse poderán facelo ata o día 20 no Ippec ou na sede da universidade

A Uned Sénior das Pontes ofertará 50 prazas no seu segundo curso, que se desenvolverá desde finais deste mes e ata marzo, e que estará dirixido a alumnos maiores de 50 anos.

Así o confirmaron este venres na presentación que se celebrou no salón de plenos do consistorio pontés, e na que interviñeron as concelleiras Tania Pardo e Lorena Tenreiro, ademais da vicedirectora da Universidade de A Coruña (UDC), Nancy Vázquez, e a directora da Uned Sénior, Matilde García.

Durante a presentación, explicaron que a formación se dividirá en tres módulos. O primeiro versará sobre Patrimonio Social e Cultural, coas materias de Patrimonio Arquitectónico de Galicia e Lingua e literatura galega, impartidas por Álvaro Igrexas Maceiras e Xoán López Viñas.

O segundo centrarase no Medio Ambiente e Sustentabilidade, con clases de enxeñería e tecnoloxía ambiental e ciencia e vida, a cargo de Manuel Soto e Jaime Fagúndez.

O último módulo será o de Saúde e Calidade de Vida, con formación sobre neurociencia e educación para a saúde desde o exercicio terapéutico, que impartirán Carme de Labra e Isabel Raposo.

Ademais da formación teórica, os asistentes poderán participar en visitas e sesións prácticas. O prazo para inscribirse estará aberto ata o día 20 no Ippec e na sede da universidade.

A Uned Sénior pontesa dispón de 50 prazas no seu segundo curso
comentarios