O CD As Pontes conseguiu o domingo un triunfo vital ante o pechacancelas da categoría, o Rápido de Bouzas, unha vitoria que lle permite escalar posicións situándose a só dous puntos da zona de permanencia.
Este segundo triunfo consecutiva no Poboado chegou tras unha sufrida remontada. E é que o cadro de Marco Roca comezou con moi mal pé. Na primeira aproximación visitante, o habilidoso Carlos Pereira chegou moi fácil ao bordo da área, onde executou un forte disparo ante o que nada puido facer Paco. Os locais tiveron ocasións para empatar o partido antes do descanso, pero foi na continuación, tras unha falta botada por Gonzalo, cando Cambón logrou cabecear á escuadra.
Tras a igualada ambos os conxunto se repartierton o dominio e as escasas aproximacións, pero foi Carlos López o que tras recibir un pase en profundidade logrou encarar a Lorenzo e batelo cun tiro cruzado outorgando aos azuis unha traballada vitoria que os sitúa cuartos pola cola con 13 puntos, antes de visitar á Polvoreira.
Rápido de Bouzas: Lorenzo, Juan, Ronald, Pablo, Areal, Yhavé, Iñaki (Firi, min. 68), Mouriño (Jesús, min. 74), Carneiro, Pereira e Rey (Rubio, min. 82).
Goles: 0-1, min. 7: Carlos Pereira; 1-1, min. 52: Cambón; 2-1, min. 83: Carlos López.
Árbitro: Cives Enjo (A Coruña). Amoestou a Fidi, por parte do As Pontes, e a Mouriño, Pablo e Carneiro, polo Rápido de Bouzas.