A Delegación do Goberno en Galicia informa de que as medidas de reactivación no ámbito do transporte aprobadas este martes polo Consello de Ministros inclúen especificamente aos transportistas de carbón das centrais térmicas.
Nun comunicado, explica que este colectivo poderá acollerse á posibilidade de moratoria de seis meses no pago das cotas dos contratos de préstamos, leasing e renting de vehículos dedicados ao transporte público de mercancías de máis de 3,5 toneladas de masa máxima autorizada, naqueles casos en que experimenten dificultades financeiras como consecuencia da urxencia sanitaria.
Para ese efecto, considerarase que existen dificultades financeiras cando sufran na media mensual dos meses de marzo a maio de 2020 unha redución de ingresos ou facturación de polo menos un 40% respecto á media mensual dos mesmos meses do ano 2019.
A moratoria levará a suspensión dos pagos do principal das cotas do contrato durante o prazo solicitado permanecendo inalterado o resto do contido do contrato inicial, podendo optar por: a ampliación do prazo de vencemento nun número de cotas equivalente á duración da moratoria ou a redistribución das cotas sen modificación do prazo de vencemento e sen alterar o tipo de interese aplicable.
A medida forma parte do Real Decreto-lei 26/2020, de medidas de reactivación económica para facer fronte ao impacto da Covid-19
O Goberno estima que esta medida permitiría un adiamento de ata 330 millóns de euros no caso do transporte de mercancías.
A medida forma parte do Real Decreto-lei 26/2020, de medidas de reactivación económica para facer fronte ao impacto da Covid-19 nos ámbitos de transportes e vivenda, aprobado o martes polo Consello de Ministros e que publica este mércores o Boletín Oficial do Estado.
MÁS DE 27.000 CONSULTAS NO ESTADO DE ALARMA. Noutra orde de cousas, a Delegación do Goberno en Galicia informa de que resolveu máis de 27.000 consultas dos cidadáns durante o estado de alarma.
A maior parte (25.132) resolvéronse de forma telefónica, mentres houbo máis de 2.000 correos electrónicos respondidos.
Pola súa banda, Policía Nacional e Garda Civil efectuaron 2.596 servizos humanitarios e auxilios á poboación durante o estado de alarma e instalaron máis de 72.000 dispositivos en vías públicas.
