jueves. 09.04.2020 |
El tiempo
jueves. 09.04.2020
El tiempo

Os traballos de ensanche da estrada do Freixo rematarán antes do verán

González Formoso, nas obras do Freixo. EP
González Formoso, nas obras do Freixo. EP
As actuación realízanse nos primeiros 2,5 quilómetros da vía 

Os traballos de ensanche da estrada que vai das Pontes ao Freixo, a DP 7009, estarán rematados antes do verán, tal e como anunciou o presidente da Deputación da Coruña e rexedor das Pontes, Valentín González Formoso, tras unha visita ás obras acompañado polo concelleiro de servizos e seguridade cidadá, José Ramón Alonso.

As actuacións de ampliación e mellora realízanse nos primeiros 2,5 quilómetros da estrada e discorren "a bo ritmo", tal e como destacaron.

Agárdase que en cuestión de semanas estea completamente rematado o sobreancho da calzada e que o resto dos traballos, que incluirán o afirmado da calzada, o drenaxe transversal e a instalación da nova sinalización horizontal e vertical, poidan estar completamente concluídos antes do verán.

As obras, que se enmarcan no Plan de Conservación de Estradas da Deputación da Coruña, supoñen un investimento de 113.149 euros e permitirán anchear a estrada de catro a seis metros.

Esta actuación, que vai dende o inicio do vial á altura do cemiterio, permitirá mellorar a seguridade, tendo en conta que nalgúns puntos era tan estreita a estrada que impedía o paso de dous vehículos simultaneamente.

O presidente da Deputación destacou a colaboración veciñal para facer realidade o proxecto.

Os traballos de ensanche da estrada do Freixo rematarán antes do verán
Comentarios