O Subsector de Tráfico da Garda Civil de Lugo informou de que saída de vía dunha motocicleta, que se produciu este mediodía no municipio de Begonte, saldouse sen feridos de consideración.
O accidente produciuse ás 13:50 horas, no enlace da Autovía do Cantábrico (A-8) coa Autovía do Noroeste (A-6), no punto quilométrico 593, á altura da localidade de Baamonde.
Segundo informaron fontes do 112, un particular chamou ás 13:50 horas para informar de que "varios" motoristas sufriran unha caída na autovía, á altura da localidade de Baamonde, concretamente no enlace da A-6 coa estrada Nacional 634.
O Centro Integrado de Atención a Urxencias de Galicia (CIAE) mobilizou para atender ás posibles vítimas ao servizo de urxencias sanitarias, á Garda Civil de Tráfico, aos Bombeiros de Vilalba e ao persoal de Mantemento do Ministerio de Fomento.
