Un das esculturas do Paseo dos Soños de Vilalba apareceu rota estes días, sen que se poda precisar quen causou as desfeitas, aínda que desde o Concello apuntan a unha actuación puntual de vandalismo.
Persoal municipal retirou a parte caída da estrutura, que se gardou á espera da súa reparación e recolocación. Trátase dunha escultura de pedra coa súa parte superior móbil, que foi precisamente a que se atopou desmontada no chan.
O monólito, dedicado ao xornalista vilalbés Xulio Xiz, é obra de Valdi e inaugurouse en 2016 e é o undécimo Hectómetro Literario do Paseo dos Soños, unha iniciativa impulsada pola asociación Xermolos e a Irmandade Manuel María coa colaboración do Concello de Vilalba, que para esta ocasión tamén contaron coa implicación dos veciños de Porta de Cima.
