Un gran niño de abellas foi capturado este venres por un particular despois de que o enxame pousásese sobre un árbore da Praza Maior de Meira, á beira do bar Arguiñano.
A pesar de que algúns dos viandantes chegou a pensar que se podería tratar de avispas velutinas, este extremo foi descartado de inmediato e, ao pouco de aterrar os insectos, un veciño achegouse ata o lugar para atraer á abella reina e ao resto de membros do niño a un portaenxames no que foron trasladados finalmente a unha colmea situada en Vilardemouros.
"As abellas non estiveron alí nin unha hora", especificou o o alcalde accidental, Agustín Méndez, quen destacou o baixo volume de avispa asiática que recala agora no municipio grazas ao trampeo.
Un caso similar ao deste venres ocorreu fai un par de anos na localidade, cando "un enxame se pousara nunha cereixeira a carón do Concello, recollérao un operario e levárao para as colmeas de seu pai", recordou Méndez.
