Unha moza resultou ferida nun accidente de tráfico rexistrado na N-6, en Begonte. O turismo no que viaxaba –xunto a outra persoa que resultou ilesa– atropelou a un corzo á altura do quilómetro 530,800 da citada vía, sentido Lugo.
O accidente rexistrouse ás 20.45 horas. Unha ambulancia do 061 trasladou á muller a un centro hospitalario de Lugo.
Ata o lugar do accidente desprazáronse ademais efectivos da Garda Civil de Tráfico e de Protección Civil de Guitiriz.