O Concello
A empresa á que se lle adxudique o contrato deberá cumprir coa xestión integral da instalación, desde servizos de limpeza -que se deberán facer a diario ou cada certo tempo en casos máis específicos-, conservación ou mantemento -electricidade, pintura, fontanería, carpintería e mantemento das máquinas do ximnasio-, pasando pola vixilancia, atención e control dos usuarios e a prestación técnica e de actividades deportivas -promovendo cursos de aeróbic, musculación ou cardio e talleres de natación de diferentes niveis-.
Así mesmo, desde o Concello recordan que a adxudicataria que pase a xestionar a instalación deberá tamén prestar outros servizos: "Médico, fisioterapeuta, ludoteca, rehabilitación de lesións, ademais de contar con servizo de socorrismo e primeiros auxilios".
O prego de contratación, que foi aprobado nun pleno extraordinario coa abstención do PP, responde o compromiso dá administración local co fomento, promoción e difusión do deporte, especialmente na idade escolar", indican desde o goberno municipal, recordando que a súa obrigación é "facilitar alternativas e medios para a práctica de actividades deportivas" coas que se poida "mellorar a condición física e calidade de vida" dos veciños.