miércoles. 01.04.2020 |
El tiempo
miércoles. 01.04.2020
El tiempo

7-0. O As Pontes logra ante o Pontellas o seu resultado máis amplo en Terceira

Celebración dun dos goles do As Pontes ante o Pontellas. X.F.
Celebración dun dos goles do As Pontes ante o Pontellas. X.F.
O cadro azulón xa abriu o marcador aos tres minutos e deixou o encontro sentenciado ao descanso. Cambón anotou dous goles e Carlos asinou un 'hat-trick'

O CD As Pontes asinou este domingo no Poboado unha contundente vitoria por 7-0 ante o Pontellas, o equipo que curiosamente o derrotou na final de campións de Preferente aos penaltis hai apenas oito meses. 

Pronto se puñan por diante os locais, nunha xogada na que Cambón lle gaña un balón dividido ao porteiro e acaba marcando a porta baleira (m.3). Pouco despois, e tras unha cabezada de Carlos, desvía Toni, e é outra vez Cambón o que dentro da área pequena, sen oposición, empuxa o balón ao fondo das mallas (m.7). 

Tiveron as súas opcións os do Porriño para recortar distancias, pero, cerca do descanso, era Maroñas quen marcaba un golazo tras un centro chute desde banda dereita que se coa pola escuadra. Xusto antes do intermedio Caridad cabecea a gol un saque de córner para facer o 4-0. 

A segunda parte só serviu para ver un hat-trick do dianteiro aresano Carlos, que suma 15 tantos esta campaña. O quinto e o sétimo gol foron batendo por baixo ao porteiro pontevedrés, e o sexto estando moi listo mentres o cadro visitante estaba a colocar a barreira. 

Este resultado supón para o As Pontes —cuxas dúas máximas goleadas en partido oficial son un 13-0 ao San Mateo en 1978 e o 11- 1 a pasada campaña ao Castro o día do ascenso— o resultado máis amplo na Terceira División, que repetiron o mesmo tenteo ante o Viveiro en 1995 e Lavercas en 1966. Non deixa de ser reseñable o 8-0 ao Colonia Moscardó en Segunda B (1995).

Ficha técnica
As Pontes: Liz, Maroñas, Álex (Iván, m.80), Caridad, Cambón, Dani, Pájaro (FIdi, m.70), Gonzalo, Carlos, David García, Quique (Sánchez, m.65).

Pontellas: Toni, Pablo, Edu, Maikel, Rey (Guille, m.46), Telmo (Santi, m.46), Berto, Javi, Charles, Hugo, Nando (Yago, m.60).

Goles: 1-0, m.3: Cambón. 2-0, m.7: Cambón. 3-0, m.42: Maroñas. 4-0, m.45: Caridad. 5-0, m.50: Carlos. 6-0, m.77: Carlos. 7-0, m.92: Carlos.

Árbitro: Julio José Martínez Barral. Mostrou cartón amarelo aos visitantes Toni, Javi e Guille.

Incidencias: Encontro disputado no campo do Poboado ante uns 150 espectadores nunha tarde con ceo encapotado.

7-0. O As Pontes logra ante o Pontellas o seu resultado máis amplo...
Comentarios