O Concello pontés instalou na mañá deste xoves unha rotulación artística co nome da vila que permanecerá nas proximidades do punto de información turística do lago.
Con esta iniciativa preténdese responder á aposta do Concello das Pontes por crear novos valores e atractivos turísticos no municipio.
Segundo a concelleira de Turismo, Elena López
A rotulación componse de dous elementos, unha estrutura de ferro lacado sobre a que se sitúan as letras corpóreas, elaboradas con láminas de madeira para crear un efecto de profundidade.
A elección do material supón para Elena López a forma de integralas "coa contorna do lago, un enclave natural privilexiado que atrae a decenas de visitantes cada día», un atractivo que servirá ademais "para darlles a benvida".