A capital chairega amenceu este mércores coa triste noticia do falecemento de Jesús María Santalla Jiménez, "Jesu", de 48 anos de idade e unha persoa moi coñecida na localidade. Durante máis dunha década foi a cara visible do auditorio municipal Carmen Estévez de Vilalba e do pavillón de deportes. Encargábase de abrir as instalacións e que de todo estivese correcto e a maiores el mesmo facía a pegada de carteis anunciando os diferentes eventos.
Aínda que levaba xa uns dous anos desvinculado, todos recórdano polo "seu bo trato", como "unha persoa moi voluntariosa" e "a disposición dos demais".
Por parte de nai tiña raíces en Jerez de la Frontera, aínda que levaba moitos anos vivindo en Vilalba. Tiña catro irmáns e dous fillos.
