Dúas persoas resultaron feridas de carácter leve nunha colisión por alcance que se rexistrou este xoves pola mañá, ao redor das 10.30 horas, no punto quilométrico 518,6 da A-6, no termo municipal de Begonte.
Ata o lugar dos feitos desprazáronse axentes do Subsector de Tráfico da Garda Civil de Lugo e urxencias médicas, que trasladaron os implicados no choque ao Hula, sen que as súas feridas revistan gravidade.
O sinistro produciuse no mesmo punto quilométrico no que se rexistrou esta madrugada, sobre as 5.30 horas, unha saída de vía dun camión, cuxo condutor resultou ileso. Este accidente obrigou a cortar o carril esquerdo da autovía, á espera da retirada do vehículo pesado.
A pesar de estar correctamente sinalizado, o corte de carril puido ser a causa do descoido que provocou a colisión por alcance.