Un home de 47 anos de idade resultou ferido tras saírse da vía e envorcar posteriormente co seu vehículo cando circulaba pola Nacional 634 (Irún-Santiago) ao seu paso polo municipio de Abadín.
O suceso tivo lugar á altura do punto quilométrico 611 ao redor das 18.40 horas. Foi un particular o que informou do ocorrido á central de urxencias do 112 Galicia, indicando que se produciu unha saída de vía pola marxe dereita e que o coche estaba envorcado. Segundo este aviso, nun principio indicouse que podería haber unha persoa atrapada.
Así, desde o 112 mobilizouse a Urxencias Médicas, ao Subsector da Garda Civil de Tráfico de Lugo, ao servizo de mantemento de estradas e aos bombeiros do parque comarcal de Vilalba.
Estes, ao chegar ao lugar, comprobaron que o condutor xa estaba liberado e fóra do vehículo e que sufría feridas de carácter leve.
