Un tramo da vilalbesa Avenida Terra Chá pasará a ser de sentido único de circulación desde este xoves, día 19, ás 00.00 horas, debido ás obras de mellora que se están desenvolvendo na vía.
A zona que se verá afectada vai desde a intersección coa Rúa Alcalde Fraga Bello ata a saída da Rúa Benxamín Paz, onde se prohibirá o acceso aos vehículos que circulen de Meira ao centro urbano.
"Este cambio non tráfico permitirá deixar un só carril de circulación central, reservando ambos os lados para as obras que se iniciaron hai preto de dous meses", informaron o Concello. O edil de infraestruturas, Luís Fernández, tamén advertiu que se prohibirá a parada e estacionamento en todo o tramo.
Así mesmo, desde o goberno local anuncian que se instalarán puntos de información en todas as rúas que desembocan na zona afectada da Avenida Terra Chá, unha das arterias da localidade chairega que soporta un elevado volume de tráfico.
TRABALLOS. Os labores de acondicionamento inclúen o reforzo da vía e a renovación do pavimento en preto de 3.000 metros de beirarrúas, para as que a Xunta de Galicia destina uns 650.000 euros. Desde o goberno local tamén estaba prevista a humanización da contorna, co fin de lograr mellores condicións da vía e para os peóns.
