martes. 26.01.2021 |
El tiempo
martes. 26.01.2021
El tiempo

Ningún dos usuarios da residencia de Vilalba contaxiados de covid está grave

O asilo de Vilalba. MARÍA ROCA
O asilo de Vilalba. MARÍA ROCA
A alcaldesa asegura que só "algún" dos 117 maiores infectados do Hospital Asilo de Vilalba presenta síntomas e que ningún tivo que ser hospitalizado

A alcaldesa de Vilalba, Elba Veleiro, confirmou que, aínda que "algún" dos 117 usuarios da residencia de maiores da localidade infectados de coronavirus presenta "sintomatoloxía" asociada á covid-19, "ningún deles está grave". De feito, a rexedora recalcou que ningún dos usuarios do Hospital Asilo de Vilalba tivo que ser hospitalizado como consecuencia de complicacións no seu estado de saúde a causa do virus.

Tamén confirmou a rexedora local que outros catro usuarios foron derivados ao Centro Galego de Desenvolvemento Integral (Cegadi), en Santiago de Compostela, de modo que xa son 27 os anciáns trasladados desde Vilalba a esas instalacións. A residencia de maiores segue intervida pola Xunta de Galicia, despois de que eses 117 usuarios e 19 traballadores desen positivo.

VER MÁS Lugo é a terceira cidade galega con maior incidencia do virus ► Consulta aquí os datos concello a concello

En canto á situación no municipio, sometido a restricións especiais desde o pasado venres, a alcaldesa considera que a evolución, co concello pechado perimetralmente e a hostalería clausurada de forma temporal, está a ser "razoablemente boa". De feito, a pesar do gran número de PCR realizadas nos últimos días, este mércores pola tarde había 190 casos activos, de modo que non se produciu un incremento da incidencia do virus no municipio.

De todos os xeitos, fixo esta valoración desde "a prudencia", porque a situación pode cambiar en calquera momento. 

Ningún dos usuarios da residencia de Vilalba contaxiados de covid...