Unha muller resultou ferida leve nunha colisión frontolateral entre dous vehículos na LU-120, á altura do termo municipal de Cospeito.
O suceso rexistrouse ao redor das 16.20 horas, no punto quilométrico 11,600, cerca do cruzamento coa LU-111.
Ata o lugar do sinistro desprazáronse axentes do Subsector de Tráfico da Garda Civil de Lugo e unha ambulancia, que trasladou á ferida ao sanatorio Nosa Señora dos Ollos Grandes.