Unha muller, duns 50 anos, denunciou este luns nas Pontes que o fin de semana un home a sorprendeu cando camiñaba soa pola rúa e golpeouna sen intermediar palabra. Os feitos, segundo relatou a muller agredida ante a Policía Local das Pontes, sucederon a noite do venres ao sábado, ao redor da 1.00 da mañá, cando camiñaba pola rúa Rego Docampo, onde hai varios locais nocturnos, pero xa cerca do cruzamento coa Avenida de Ferrol.
A muller explicou ao axente que lle tomou declaración que o home se abalanzou sobre ela e propinoulle varios golpes e puñadas na cara, tirándoa ao chan, ante a súa sorpresa. E que a pesar de que gritou e pediu axuda ninguén a socorreu.
A agredida, de orixe suramericano e que supostamente leva pouco tempo vivindo nas Pontes, explicou que tras conseguir incorporarse do chan foise á súa casa camiñando e que ao día seguinte se acudiu no centro de saúde, onde recibiu asistencia médica e entregáronlle un parte de lesións que presentou na Policía Local o luns cando denunciou os feitos.
A muller, asegurou non recordar ben o seu agresor, ao que identificou como un home moreno, de mediana idade.
Desde a Policía Local chaman á calma e a que non se cre alarma social e aseguran que este caso é un feito puntual e illado nas Pontes. Ademais, recordan que hai patrulla pola noite os fins de semana.
