Un fatal accidente de tráfico ocorrido a última hora da tarde deste martes deixa unha persoa falecida. A vítima é un veciño de Abadín de 63 anos e iniciais L.R.I., que circulaba ao volante dun coche que saíuse da vía e acabou chocando cun tractor.
O sinistro tivo lugar ás 20.17 horas, á altura do punto quilométrico 5 da estrada LU-P-0102, que une Fontevella e Carrizal, ao seu paso polo municipio da Pastoriza. O coche no que viaxaba como único ocupante o falecido saíuse da vía pola marxe esquerda e chocou contra o vehículo agrícola, que se atopaba estacionado.
Ata o lugar desprazáronse efectivos sanitarios, que nada puideron facer por salvar a vida do home. Tamén interviñeron os bombeiros de Vilalba, o GES da Pontenova e a Garda Civil de Tráfico, segundo informa a central de urxencias do 112 Galicia.