A Garda Civil imputou en calidade de investigadas a dúas persoas de nacionalidade romanesa en Guitiriz como supostos autores dun delito de apropiación indebida.
Os feitos tiveron lugar en decembro de 2018, cando o denunciante convivía cos investigados nunha vivenda situada en Vilalba. Devandita persoa abandonou o domicilio e, cando volveu para recuperar as súas pertenzas, estas desapareceran.
As persoas investigadas foron postas a disposición xudicial.
ESTAFA. O instituto armado tamén informou da imputación en calidade de investigado dun veciño de Guitiriz de 37 anos como suposto autor dun delito de estafa.
Os feitos rexistráronse o pasado mes de agosto nun centro comercial da localidade asturiana de Siero, cando a persoa investigada supostamente cambiou a etiqueta do prezo dunha hidrolimpadora cun valor real de 850 euros pola etiqueta doutra valorada en 59 euros.
A persoa investigada foi posta a disposición xudicial.
