Un incendio calcinou na tarde do martes parte dun alpendre situado no barrio do Cotarón de Vilalba. As chamas, que se iniciaron sobre as 15.45 horas, levaron por diante a cuberta do inmoble, así como material que se atopaba no seu interior, como madeira, pacas de herba seca, cabazas para o consumo animal ou lonas.
Ademais, cerca había animais, aínda que afortunadamente non se viron afectados o lume.
Desde a central de urxencias do 112, que recibía o aviso de varios particulares, alertouse aos bombeiros do parque comarcal de Vilalba e a Protección Civil, que deron por extinguido o incendio antes das 17.00 horas. Ata o lugar tamén se trasladaron a Policía Local e efectivos de Cruz Vermella.
