A central de coordinación do 061 despregou un amplo operativo na tarde deste xoves nas Pontes tras a chamada a Urxencias dunha muller de 78 anos, e iniciais M.A.T., que sufría un posible episodio cardíaco.
Mobilizouse o helicóptero con base en Santiago e dúas ambulancias, unha do 061 e outra de Cruz Vermella con base en Vilalba, ademais de persoal do centro de saúde das Pontes e axentes da Garda Civil e de Protección Civil da localidade.
Os sanitarios estabilizaron a muller no seu propio domicilio, no Poboado da Fraga, e finalmente foi trasladada ao Hospital Arquitecto Marcide, a Ferrol, en ambulancia con prognóstico reservado.
O suceso ocorreu ao redor das 16.30 horas e o operativo causou moita expectación na localidade.
